थारू महोत्सव आयोजना गरिने
December 29, 2018

सय थुम्काको सैलुङ

काठमाडौँ उपत्यकाबाट पूर्वतर्फ करिब १४० किलोमिटरको दूरीमा रहेको सैलुङडाँडा हिमाली जिल्ला दोलखा र रामेछापको सङ्गमस्थलका साथै यी दुई जिल्लाबीच सिमानाको समेत काम गर्छ । सामुद्रिक सतहबाट ३२२५ मिटरको उचाइमा रहेको सैलुङडाँडा करिब सयवटा स–साना थुम्काहरूबाट बनेको झट्ट हेर्दा धानको थुप्रोजस्तो देखिने यी थुम्काहरू पहाडी घाँसेमैदान हुन् । यस क्षेत्रमा रहेको सैलुङ गुम्बा, सैलुङ महादेवको मन्दिर, धर्म गुफा, गाईको खुर एवम् थुनजस्ता देखिने आकृति यस क्षेत्रका धार्मिक महŒवका विषय हुन् । सैलुङ डाँडाबाट अन्नपूर्ण, मनासलु, गणेश, लाङटाङ, गौरीशङ्कर, नुम्बुर, सगरमाथाजस्ता सुन्दर हिमालका दृश्य एवम् प्राकृतिक दृश्यहरूको अवलोकन गर्न पाउने जोकोही पनि आल्हादित हुन्छ । यो डाँडाको मुख्य विशेषता यहाँबाट चारै दिशामा करिब ३६० डिग्रीको कोणमा मनोरम दृश्यको अवलोकन गर्न सकिन्छ ।
जैविक विविधताले भरिपूर्ण यो क्षेत्र हिमाली जङ्गल र घाँसेमैदानले ढाकिएको र लालीगुराँस, ओखर, सल्लाको जङ्गल रहेको यस क्षेत्रमा करिब १५० प्रकारका जडीबुटीहरू पाइन्छन् । गुराँसका फूलहरूले जङ्गल मनोरम बनाइराख्दा वा रूखका हाँगामा फुलिरहेका सुनाखरी फूलका दृश्य निकै चित्ताकर्षक हुन्छन् । विभिन्न जङ्गली जनावर एवम् चराचुरुङ्गीको पनि बसोबास रहेको यो क्षेत्र जङ्गल भ्रमण, चराचुरुङ्गीको अवलोकन, अनुसन्धान एवम् ट्रेकिङ् क्षेत्रका रूपमा विकास गरेर सम्भावना प्रशस्तै छन् ।

मिक दृष्टिकोणले पनि यो क्षेत्र हिन्दु एवम् बुद्ध धर्मावलम्बीहरूका लागि पवित्र तीर्थस्थल हो । बौद्ध धर्मावलम्बीका लागि सैलुङडाँडामा बौद्ध चैत्य र हिन्दुका लागि सैलुङ महादेवस्थान रहेकाले यी दुवै धर्मका अनुयायीका लागि यो स्थान पवित्र मानिन्छ । यहाँ हरेक वर्ष बौद्ध पूर्णिमाको दिन लाग्ने जात्रा एवम् गुफा बस्ने प्रचलन परापूर्वकालदेखि चालिआएको छ । यसबेला हजारौँ भक्तजनहरू सैलुङडाँडामा भेला भएर लामा गुरुबाट बौद्ध चैत्यको दर्शन तथा पूजा–अर्चना एवम् आस्था प्रकट गर्ने गरिन्छ । यस्तै प्रत्येक बाह्र वर्षमा लाग्ने गोदावरी नुहाउने मेला एवम् सैलुङ महादेवको दर्शन गर्नाले पुण्य कमाइने यहाँका बासिन्दाको विश्वास छ ।
विशेषगरी बुद्धपूर्णिमा, बालाचर्तुदशी, तीज, नयाँ वर्षलगायतका मुख्य चाडपर्वमा यहाँ मानिसको घुइँचो लाग्ने गरेको छ । यस क्षेत्रमा रहेको धर्म दुलो, बौद्ध चैत्य, कछुवा, बाघ र खरायोजस्ता देखिने ढुङ्गाका आकृति एवम् भर्खरै निर्माण भएको भ्युटावर मुख्य आकर्षणका केन्द्र हुन् ।
यो सैलुङ क्षेत्रलाई पर्यटकीय उत्कृष्ट ट्रेकिङ क्षेत्र बनाउनका लागि अर्को पर्यटकीय गन्तव्य जिरीसँग जोड्नु महŒवपूर्ण छ । यसअन्तर्गत मुडे लाम्चे आहाल, देउराली, ढुङ्गे कालापानी (सैलुङडाँडा), भँैसे बजार पवटी, चर्णावती, तामाकोसी जिरीसम्मको क्षेत्र समेट्न सके पर्यटकीय क्षेत्रका रूपमा विकास र विस्तार गर्न सकिने सम्भावना प्रशस्तै छ । पर्यटकलाई लोभ्याउन यस क्षेत्रमा प्याराग्लाइडिङको पनि राम्रो सम्भावना देखिन्छ ।
देशभरि नै परिचित मुडेको आलु भनिने आलुको उत्पादन क्षेत्र पनि सैलुङ नै हो भन्ने कुरा कतिपयलाई थाहा नहुन सक्छ । यस क्षेत्रमा उत्पादन हुने आलु, चौँरीको चीज, मेलुङ गाउपालिकाको पवटीमा उत्पादन हुने सुन्तलाको राम्रो बजार व्यवस्थापन गर्न आवश्यक छ ।साभार गोर्खापत्र बाट । साभार गोर्खापत्र बाट ।

Leave a Reply

Your email address will not be published. Required fields are marked *