मुआब्जा समस्या समाधान गरी द्रुतमार्ग अघि बढ्छ : उपप्रधानमन्त्री पोखरेल
December 13, 2018
शहीदको सपना पूरा गराउन लागिपरेका छौँ – अध्यक्ष दाहाल
December 13, 2018

साउदी अरेबियालाइ सहयोग अन्त्य गर्ने विषयमा सिनेट मतदान

सिङ्टन, मङ्सिर २७ गते । साउदी अरेबियाले यमनका हुथी विद्रोही विरुद्ध जारी आक्रमणमा अमेरिकी सैनिक सहायता अन्त्य गर्ने वा नगर्ने भन्ने विषयको छलफललाई खुला गर्ने विषयको प्रस्तावलाई अमेरिकी सिनेटले बहुमतले पारित गरेको छ ।

साउदी पत्रकार जमाल खशोग्जीको हत्याको विषयलाई लिएर ट्रम्प प्रशासन र कङ्ग्रेसबीच तनाव जारी रहेको छ । सिनेटरबीच उक्त विवादका विषयमा छलफल हुनुपर्छ भन्ने प्रस्तावको पक्षमा ६० र विपक्षमा ३९ मत परेको थियो । उक्त प्रस्ताव रिपब्लीकन सिनेटर माइक ली र स्वतन्त्र सिनेटर बर्नी स्यान्डर्सले अघि सार्नु भएको थियो ।

खशोग्जीको हत्यामा साउदी राजकुमारको प्रत्यक्ष संलग्नता रहेको विभिन्न अनुसन्धानले देखाउँदै आएका छन् । तर अमेरिकी राष्ट्रपति डोनाल्ड ट्रम्पले साउदी अरेबिया अमेरिकीको असल मित्रको रुपमा रहेकाले राजकुमारमाथि आरोप लगाउन नमिल्ने तर्क राख्दै आउनुभएको छ ।

अमेरिकी विदेशमन्त्री माइक पोम्पेओ र रक्षामन्त्री जेम्स म्याटिसले सिनेटको बैठकमा खशोग्जीको हत्या र यमनको द्वन्द्वको विषयमा बिहीबार जानकारी गराउनुहुनेछ । (रासस/सिन्ह्वा)

Leave a Reply

Your email address will not be published. Required fields are marked *